جھنگ(جاوید اعوان سے)حکومت پنجاب کی ہدایت کے مطابق ڈسٹرکٹ اسیسمنٹ بورڈ برائے خصوصی افراد کا اجلاس زیر صدارت چیئرمین/میڈیکل سپریٹنڈنٹ ڈاکٹر سید شباب عالم بخاری ڈسٹرکٹ ہیڈ کوارٹر ہسپتال جھنگ میں منعقد ہوا ۔اجلاس میں ڈسٹرکٹ آرتھو پیڈک سرجن ڈاکٹر غلام یاسین بھٹی، میڈیکل سوشل آفیسر فضل عباس ،مہر محمد ریاض نول صدر آمنہ ویلفیئر فاونڈیشن جھنگ ،TEVTA سے سبطین خان بلوچ، علی حمزہ لیبر آفیسر ،سوشل نیڈ آفیسر محمد فاروق سمیت دیگر اراکین بھی موجود تھے۔ بورڈ میں 69 مختلف کٹیگری کی درخواست پر غور کیا گیا جن میں 51 مکمل فٹنس رپورٹ دیکھنے اور چیک اپ کے بعد افراد کو سپشل پرسن قرار دیا گیااور 18 افراد کے کیسز مختلف سیشلسٹ کو حتمی رائے کیلئے بھجوایاگیا ہے ۔ڈاکٹر سید شہباب عالم بخاری نے کہاہے کہ حکومت پنجاب خصوصی افرادکی فلاح و بہبود کےلیے تر جیحی بنیادوں پر کام کر رہی ہے اور ہمارا مشن اپنے وسائل میں رہتے ہوئے انسانیت کی خدمت کرنا ہے ۔ حکومت پنجاب خصوصی افراد کی بحالی اور روز گار کیلئے خصوصی اقدامات کر رہی ہے سوشل نیڈ آفیسر محمد فاروق نے بتایا کی خصوصی افراد کیلئےسپیشل پرسن سرٹیفکیٹ کا اجراء ڈس ایبلڈ پرسن منیجمنٹ انفارمیشن سسٹم کے زریعے کیا جا رہا ہے اور خصوصی افراد کی سہولت کیلئے آن لائن رجسٹریشن اور ڈیجیٹل سپیشل پرسن سرٹیفکیٹ جاری کیے جارہے ہیں جس سے خصوصی افراد اور ان کے لواحقین گھر بیٹھے آئن لائن رجسٹریشن کروا سکتے ہیں ۔
71
