*جھنگ(جاوید اعوان سے)چناب کالج جھنگ کی ایک اور شاندار کامیابی، حسنِ کارکردگی کا اعزاز*
چناب کالج جھنگ کے ہونہار طالب علم شیخ محمد حسیب عباس نے بورڈ آف انٹرمیڈیٹ اینڈ سیکنڈری ایجوکیشن فیصل آباد کے زیر اہتمام منعقد ہونے والے انٹرمیڈیٹ پارٹ ٹو کےپہلے سالانہ امتحانات میں (ہیومینٹیز گروپ )میں بورڈ میں تیسری پوزیشن حاصل کی ہے۔ یہ شاندار کامیابی طالبِ علم کی محنت اور لگن کا ثمر ہےجبکہ اللہ پاک کی خصوصی کرم نوازی، والدین کی دعائیں اور اساتذہ کی بے لوث محنت بھی اس میں شامل ھے۔ چناب کالج جھنگ کے ترجمان نے ڈپٹی کمشنر و چیئرمین جھنگ ایجوکیشنل ٹرسٹ محمد عمیر کا خصوصی شکریہ ادا کیا جو تعلیمی معیار کی بہتری میں گہری دلچسپی لے رھے ہیں نیز ان کی قیادت اور عزم نے چناب کالج میں ایک ایسا ماحول پیدا کیا جہاں طلبہ بہترین کارکردگی کا مظاہرہ کر سکیں۔ دریں اثنا پرنسپل چناب کالج جھنگ لیفٹیننٹ کرنل (ر)اعظم مقبول صدیقی کی ہدایت پر ہیڈ ماسٹر ٹی ون اور اساتذہ نے طالب علم شیخ محمد حسیب عباس اور انکے والدین کو مبارکباد دی اور گلدستہ پیش کیا۔
25
