*جھنگ(جاوید اعوان سے) مبشر مصطفی کے خلاف ڈسٹرکٹ ہیڈکوارٹر ہسپتال جھنگ میں سنگین شکایات — محتسب پنجاب نے فوری نوٹس لے لیا، تحقیقات کا آغاز*
*سماجی و عوامی حلقوں کی جانب سے موصول ہونے والی متعدد شکایات کے بعد محتسبِ اعلیٰ پنجاب کے دفتر نے ڈسٹرکٹ ہیڈکوارٹر ہسپتال جھنگ میں مبشر مصطفی کے خلاف سنگین الزامات پر فوری نوٹس لیتے ہوئے باقاعدہ تحقیقات کا حکم دے دیا ہے۔ یہ شکایات ہسپتال کی انتظامی* *شفافیت، مالیاتی نظم اور ریکارڈ کے تحفظ سے متعلق اہم امور پر مبنی تھیں*۔
*شکایت کنندگان نے اپنی دستاویزات میں مؤقف اختیار کیا ہے کہ مبشر* *مصطفی نے ہسپتال کے اندر مختلف انتظامی اور مالی معاملات میں غیرضروری مداخلت کی، سرکاری* *کارروائیوں پر اثرانداز ہونے کی کوشش کی اور ریکارڈ میں بے* *ضابطگیاں پیدا کیں۔ ان کے مطابق مبشر مصطفی نے مخصوص افراد کے مفاد کے لیے سرکاری نظام میں تبدیلیاں کروائیں اور* *تحقیقاتی اداروں کے کام میں رکاوٹیں ڈالی گئیں*۔
*درخواست میں تحریری ثبوتوں کے ساتھ متعدد حوالہ جات بھی پیش کیے گئے ہیں* *جن میں PMU/P&SH/HR-1860/2022 اور محکمہ صحت پنجاب (C&C ونگ) کی جانب سے جاری کیے گئے خطوط کے اندراج شامل ہیں*۔ *ان دستاویزات کے مطابق ہسپتال میں بعض انتظامی فیصلوں اور ریکارڈ کے* *معاملات میں سنگین بے ضابطگیاں پائی گئی ہیں جنہیں چھپانے یا موخر کرنے کی کوشش کی گئی*۔
*شکایت گزاروں کا کہنا ہے کہ مبشر مصطفی کے مبینہ اثر و رسوخ کے باعث ہسپتال میں شفافیت متاثر ہو رہی ہے اور مریضوں کو فراہم کی جانے والی طبی سہولتوں میں کمی واقع ہوئی ہے۔ ان کے مطابق یہ معاملہ صرف انتظامی بدنظمی تک محدود نہیں بلکہ عوامی خدمت کے معیار سے براہِ راست منسلک ہے*۔
*محتسبِ پنجاب کی جانب سے عوامی مفاد کو مقدم رکھتے ہوئے یقین دہانی کرائی گئی ہے کہ تفتیش مکمل طور پر غیرجانبدار، شفاف اور میرٹ پر مبنی ہوگی۔ کسی بھی قسم کے سیاسی یا ذاتی دباؤ کو برداشت نہیں کیا جائے گا، جبکہ تمام متعلقہ محکموں کو ہدایت دی گئی ہے کہ وہ ریکارڈ اور حقائق کی فراہمی میں مکمل تعاون کریں*۔
*اس ضمن میں محتسبِ پنجاب کے دفتر نے عوام الناس سے بھی اپیل کی ہے کہ اگر کسی کے پاس اس معاملے سے متعلق اضافی شواہد یا دستاویزات موجود ہوں تو وہ فوراً دفتر سے رابطہ کریں تاکہ حقیقت کو واضح کیا جا سکے*۔
*ذرائع کے مطابق، تفتیشی ٹیم جلد اپنی ابتدائی رپورٹ جمع کرائے گی جس کے بعد حتمی کارروائی کا فیصلہ کیا جائے گا۔ محتسب پنجاب کے اس بروقت نوٹس کو عوامی حلقوں نے سراہا ہے اور امید ظاہر کی ہے کہ انصاف پر مبنی فیصلہ سامنے آئے گا*۔
178
