*جھنگ(جاوید اعوان سے)ریاض چوک سیٹلائٹ ٹاؤن میں زیر تعمیر پارک کے اطراف ناجائز تجاوزات کا گھیراؤ، شہری صاف ماحول سے محروم*
*گوشت اور سبزی فروشوں کے مستقل کھوکھے پارک کی تکمیل سے قبل ہی شہریوں کے لیے تشویش کا باعث*
*سیٹلائٹ ٹاؤن میں ریاض چوک کے قریب زیر تعمیر نئے پارک کے اطراف تجاوزات نے عوامی حلقوں میں تشویش کی لہر دوڑا دی ہے*۔ *شہر کے خوبصورتی اور عوام کو صحت مند تفریحی ماحول فراہم کرنے کے لیے بنائے جا رہے اس اہم منصوبے کے بالکل ساتھ ہی گوشت اور سبزی فروشوں نے مستقل بنیادوں پر کھوکھے اور عارضی دکانیں قائم کر رکھی ہیں*۔
*مقامی شہریوں نے اس صورتحال پر شدید تحفظات کا اظہار کیا ہے اور مطالبہ کیا ہے کہ ان تجاوزات کو فوری طور پر ختم کرایا جائے اور پارک کے ارد گرد کی جگہ کو صاف ستھرا کیا جائے۔ شہریوں کا کہنا ہے کہ پارک کی تعمیر کا بنیادی مقصد یہی ہے کہ اہل علاقہ کو سیر اور تفریح کے لیے ایک صاف ستھرا اور آلودگی سے پاک ماحول میسر آئے۔ تاہم، ان تجاوزات کی وجہ سے گندگی اور بدبو کا مستقل مسئلہ پیدا ہو رہا ہے، جو نہ صرف پارک کی خوبصورتی کو متاثر کر رہا ہے بلکہ عوامی صحت کے لیے بھی خطرہ بن سکتا ہے*۔
*علاقہ مکینوں نے ضلعی انتظامیہ اور متعلقہ بلدیاتی اداروں سے پرزور اپیل کی ہے کہ وہ اس معاملے کا نوٹس لیں اور پارک کی تکمیل سے پہلے ہی تمام ناجائز قابضین کو ہٹا کر اس جگہ کو خالی کرائیں تاکہ پارک عوام کے لیے کھولے جانے پر ایک صاف ستھرا اور خوشگوار ماحول فراہم کر سکے*۔
*مطالبہ کیا گیا ہے کہ تجاوزات کے خلاف موثر اور دیرپا آپریشن کیا جائے تاکہ اس قومی اثاثے کو محفوظ بنایا جا سکے اور شہری پارک کی تعمیر کے اصل فوائد سے مستفید ہو سکیں*۔
127
