*جھنگ(جاوید اعوان سے)خاتون ڈی ای او ایلیمنٹری ایجوکیشن کی کرپشن انکوائری کی دبی ھوئی فائل دوبارہ کھل گئی*

*جھنگ(جاوید اعوان سے)خاتون ڈی ای او ایلیمنٹری ایجوکیشن کی کرپشن انکوائری کی دبی ھوئی فائل دوبارہ کھل گئی*
*ضلع جھنگ میں خاتون ڈی ای او ایجوکیشن ایلیمنٹری (DEO Elementary Education) کی مبینہ کرپشن کے حوالے سے ایک اہم پیش رفت سامنے آئی ہے۔ ذرائع کے مطابق، ایک عرصے سے دبی ہوئی* *انکوائری کی فائل کو دوبارہ سے کھول دیا گیا ہے، جس پر عوامی اور سماجی حلقوں میں صوبائی سیکریٹری ایجوکیشن پنجاب کے اس اقدام کو سراہا جا رہا ہے*۔
*فائل سیکریٹری ایجوکیشن کے دفتر سے برآمد*
*تفصیلات کے مطابق، یہ انکوائری ہائی کورٹ کی ایک رٹ پٹیشن کے فیصلے کی روشنی میں شروع کی گئی تھی، مگر ذرائع کا کہنا ہے کہ “نظر نہ آنے والے ہاتھوں” نے اس کی فائل کو سیکریٹری ایجوکیشن کے دفتر میں دبا دیا تھا*۔
*میڈیا کی جانب سے اس معاملے کو اٹھانے پر سیکریٹری ایجوکیشن آفس میں کھلبلی مچ گئی اور اچانک سے یہ فائل نمودار ہو گئی*۔
*فائل کے دوبارہ سامنے آنے کے بعد، ایس او (SO) پروب نے فوری طور پر مدعی سے ٹیلیفونک رابطہ کیا اور فوری انصاف کی یقین دہانی کرائی ہے*۔
*عوامی اور سماجی حلقوں نے صوبائی سیکریٹری ایجوکیشن پنجاب کے اس بروقت اور موثر عمل کو مثبت قدم قرار دیتے ہوئے اس کی تعریف کی ہے*۔
*اس پیش رفت کے تناظر میں، ڈسٹرکٹ ایجوکیشن اتھارٹی جھنگ (DEA Jhang) کے معاملات میں عنقریب کسی اچھی خبر اور شفافیت کی امید کی جا رہی ہے۔ اس معاملے کی دوبارہ جانچ سے محکمہ تعلیم میں احتساب کے عمل کو تقویت ملنے کی توقع ہے*۔