*جھنگ(جاوید اعوان سے)قانون سب کے لیے برابر: ڈی پی او کا بڑا ایکشن، ‘نیلی بتی’ کا رعب جھاڑنے والا سب انسپکٹر دھر لیا گیا.محکمانہ غفلت اور ٹریفک قوانین کی دھجیاں اڑانے والوں کی اب خیر نہیں؛ ڈی پی او نے اپنے ہی محکمے میں “کلین اپ آپریشن” شروع کر دیا*
*ڈسٹرکٹ پولیس آفیسر جھنگ، کیپٹن (ر) بلال افتخار کیانی نے “پہلے اپنا گھر ٹھیک کرو” کی پالیسی پر عمل کرتے ہوئے قانون شکن پولیس اہلکاروں کے گرد گھیرا تنگ کر دیا۔ اپنی ہی فورس کے خلاف اس سخت ایکشن نے جہاں شہریوں میں خوشی کی لہر دوڑا دی ہے، وہیں محکمہ پولیس کے اندر تھر تھلی مچ گئی ہے*۔
*نیلی بتی کا غیر قانونی استعمال: سب انسپکٹر معطل تفصیلات کے مطابق، سب انسپکٹر ذیشان حیدر اپنی نجی گاڑی پر پولیس کی مخصوص ‘نیلی بتی’ لگا کر قانون کی دھجیاں اڑاتے ہوئے پائے گئے۔ ڈی پی او جھنگ نے معاملے کا فوری نوٹس لیتے ہوئے مذکورہ سب انسپکٹر کو فوری طور پر معطل کر دیا ہے اور سخت ترین چارج شیٹ جاری کرنے کے احکامات دیے ہیں۔ ڈی پی او کا پیغام واضح ہے*: *پولیس کا عہدہ قانون سے بالاتر ہونے کا لائسنس نہیں ہے.بغیر ہیلمٹ اہلکاروں کی شامت آگئی۔کارروائی صرف نیلی بتی تک محدود نہ رہی، بلکہ سڑکوں پر بغیر ہیلمٹ موٹر سائیکل دوڑانے والے پولیس اہلکاروں کو بھی آڑے* ہاتھوں لیا گیا۔ ڈی *پی او کی ہدایت پر ٹریفک قوانین کی خلاف ورزی کرنے والے متعدد اہلکاروں کو شوکاز نوٹسز تھما دیے گئے ہیں۔ڈی پی او کے سخت احکاماتڈسٹرکٹ ٹریفک آفیسر کو ہنگامی ہدایات جاری کرتے ہوئے ڈی پی او جھنگ نے کہا کہ کسی بھی اہلکار کو یہ رعایت نہیں دی جائے گی کہ وہ وردی کا سہارا لے کر قانون کی خلاف ورزی کرے۔ چاہے وہ ہیلمٹ کا استعمال ہو یا نجی گاڑیوں پر فینسی لائٹس کا شوق، خلاف ورزی پر بلا امتیاز سخت محکمانہ کارروائی کی جائے گی*۔”
*شہریوں نے ڈی پی او جھنگ کے اس جرات مندانہ اقدام کو سراہتے ہوئے امید ظاہر کی ہے کہ اس سے شہر میں ٹریفک کے نظام میں بہتری آئے گی اور “وی آئی پی کلچر” کا خاتمہ ھوگا*۔
102
