جھنگ(جاوید اعوان سے)ڈپٹی کمشنر عبداللہ خرم نیازی اور ڈسٹرکٹ پولیس آفیسر ملک طارق محبوب کی زیر صدارت ضلعی انفورسمنٹ کمیٹی کا اجلاس منعقد ہوا جس میں فیسکو افسران سمیت دیگر ضلعی محکموں کے افسران بھی شریک تھے۔ڈپٹی کمشنر عبداللہ خرم نیازی نے کہا کہ بجلی چوروں سے آہنی ہاتھوں نمٹا جائیگا۔ بجلی چور قومی مجرم ہیں جو ملک کو نقصان اور اداروں کو کمزور کرنے کا باعث بن رہے ہیں اس ضمن میں بڑے پیمانے پر بجلی چوری کرنیوالوں کے خلاف مکمل تیاری کے ساتھ آپریشن جاری ہے اور جو بھی بجلی چوری میں ملوث پایا جائے اس کے خلاف فوری ایکشن لیاجائے۔ انہوں نے مزید کہا کہ فیسکو کو کریک ڈاون کیلئے ضلعی انتظامیہ،پولیس کی مکمل معاونت حاصل ہوگی، بجلی چوروں کو مقدمات درج کرواکر گرفتار کرایا جائیگا۔ ڈی پی او ملک طارق محبوب نے کہا کہ ضلعی نفاذ کمیٹی کی کارروائیوں کے واضح نتائج نظر آنے چاہئیں۔ قومی کاز کی تکمیل کے لئے ضلعی انتظامیہ اور فیسکو کی مکمل معاونت کرے گی۔بجلی چوری بارے شکایات پر فوری ایکشن لیا جائےگا۔
۔۔۔٭٭٭۔۔۔
31
