*جھنگ(جاوید اعوان سے)وزیراعلیٰ پنجاب مریم نواز شریف کا پنجاب دھی رانی پروگرام، وزیر اعلیٰ پنجاب کی ہدایت پر جھنگ،اور چنیوٹ کی 75 جوڑوں کی اجتماعی شادیوں کی مشترکہ اہتمام کیا گیا*۔ صوبائی وزیر سماجی بہبود و بیت المال پنجاب سہیل شوکت بٹ تقریب کے مہمان خصوصی تھے جبکہ سیکرٹری سماجی بہبود جاوید اختر محمود، کمشنر مریم خان،ڈپٹی کمشنرجھنگ علی اکبر بھنڈر،ڈپٹی کمشنر چنیوٹ صفی اللہ گوندل، سابق ممبر صوبائی اسمبلی فیصل حیات جبوآنہ ،سابق ممبر صوبائی اسمبلی محمد اسلم بھروانہ،سابق ممبر صوبائی اسمبلی راشدہ یعقوب شیخ ،سابق ممبر صوبائی اسمبلی محمد یعقوب شیخ، سابق ممبر صوبائی اسمبلی خالد غنی،سابق ممبر صوبائی اسمبلی سلطان سکندر بھروانہ، مولانا محمد آصف معاویہ،میڈم عابدہ بشیر، ایڈیشنل ڈپٹی کمشنرز و اسسٹنٹ کمشنرز بھی شریک تھے۔ صوبائی وزیر سماجی بہبود و بیت المال پنجاب نے وزیر اعلیٰ پنجاب کی طرف سے نوبیاہتا جوڑوں کو مبارکباد دی اور نیک خواہشات کا پیغام پہنچایا، صوبائی وزیر نے وزیراعلیٰ پنجاب مریم نواز کی طرف دھی رانی سلامی کارڈز بھی دیئے، سلامی کارڈ کے ذریعے نوبیاہتا جوڑوں کو ایک لاکھ روپے سلامی دی گئی ۔ وزیر اعلیٰ پنجاب کی طرف سے اجتماعی شادی کے تمام جوڑوں کو ڈبل بیڈ ، میٹرس، شیشہ، ڈنر سیٹ، کھانا پکانے کا سامان، پنکھا اور دیگر سامان کے تحائف بھی دئیے گئے۔ صوبائی وزیر سماجی بہبود و بیت المال پنجاب سہیل شوکت بٹ نے کہا کہ وزیراعلیٰ پنجاب مریم نواز شریف کا وژن عوام کی خدمت کرنا ہے۔پنجاب دھی رانی پروگرام وزیراعلیٰ پنجاب مریم نواز کے عوامی خدمت کے جذبہ کی عکاسی ہے۔ وزیراعلیٰ پنجاب مریم نواز اللہ تعالیٰ کی رضا کے لیے یہ کام کر رہی ہے، اس کااجر اللہ دے گا۔پنجاب دھی رانی پروگرام کو تاریخ میں ہمیشہ یاد رکھا جائے گا۔انہوںنے کہا کہ وزیراعلیٰ مریم نواز شریف پنجاب کی بیٹیوں کے لیے ماں کا کردار ادا کر رھی ہیں۔وزیراعلیٰ پنجاب ان نوبیاہتا جوڑوں کے ساتھ ماں کی طرح کھڑی ہیں۔صوبائی وزیر نے مزید کہا کہ وزیر اعلی پنجاب نے خدمت کے ذریعے ریاست مدینہ کی بنیاد رکھ دی ھے۔دھی رانی پروگرام سے اقلیتی برادری کی بیٹیوں کو بھی مستفید کیا گیا ہے۔ دھی رانی پروگرام کی تقریب میں جھومر پارٹی کی جانب سے رقص بھی پیش کیا گیا ۔ تقریب میں دولہا دلہن اور تقریب کے شرکاء کے لئے ظہرانہ کا اہتمام کیا گیا۔
53
