*جھنگ(جاوید اعوان سے) بلڈنگ ڈیپارٹمنٹ کی سب ڈویژن احمد پور سیال اور شورکوٹ میں ایس ڈی اوز کی اسامیاں طویل عرصے سے خالی*
*بلڈنگ ڈیپارٹمنٹ جھنگ کی دو اہم* *تحصیلوں، احمد پور سیال اور شورکوٹ میں سب ڈویژنل آفیسر (SDO) کی اسامیاں عرصہ دراز سے خالی پڑی ہیں، جس کے باعث سرکاری تعمیراتی منصوبوں اور ترقیاتی کاموں میں سست روی اور رکاوٹوں کا سامنا ہے*۔
*مکینوں اور مقامی حلقوں نے شدید تشویش کا اظہار کیا ہے کہ ایس ڈی او کی سیٹوں پر کوئی مستقل تعیناتی نہ ہونے کی وجہ سے دونوں تحصیلوں میں تعمیر و ترقی سے متعلق امور بری طرح متاثر ہو رہے ہیں۔ ایس ڈی او کسی بھی سب ڈویژن میں بلڈنگ اور سڑکوں کے کاموں کی* *نگرانی اور منظوری کے لیے کلیدی عہدہ ہوتا ہے، اور اس کی عدم موجودگی سے فائلیں رکی ہوئی ہیں اور عوامی فلاح و بہبود کے منصوبے تاخیر کا شکار ہیں*۔
*سیکرٹری مواصلات و تعمیرات پنجاب سے فوری نوٹس لینے کا مطالبہ*
*عوامی نمائندوں اور مقامی افراد نے سیکرٹری مواصلات و تعمیرات پنجاب سے مطالبہ کیا ہے کہ وہ اس اہم مسئلے کا فوری نوٹس لیں اور دونوں تحصیلوں، احمد پور سیال اور شورکوٹ، میں جلد از جلد میرٹ پر ایس ڈی اوز کی تعیناتی کو یقینی بنائیں۔ ان کا کہنا ہے کہ خالی اسامیوں کو پر کرنے سے نہ صرف انتظامی امور میں بہتری آئے گی بلکہ دونوں تحصیلوں میں جاری و آئندہ تعمیراتی منصوبوں کو بھی بروقت مکمل کرنے میں مدد ملے گی*۔
198
