*جھنگ(جاوید اعوان سے)تھانہ شور کوٹ کینٹ کی تعمیر میں ناقص میٹریل کا انکشاف، سابق سب انجینئر اور موجودہ ایس ڈی اوپر انگلیاں*
*جھنگ کے علاقہ شور کوٹ کینٹ میں زیرِ تعمیر تھانے کی عمارت میں ناقص میٹریل کے استعمال کا سنگین انکشاف ہوا ہے، جس کے باعث سرکاری تعمیرات کے معیار پر سوالیہ نشان لگ گیا ہے*۔
*ذرائع کے مطابق، تھانہ شورکینٹ کی تعمیر کے دوران مبینہ طور پر غیر معیاری (سب سٹینڈرڈ) میٹریل استعمال کیا گیا، اور اس تمام عمل میں مبینہ طور پر سابق سب انجینئر اور موجودہ ایس ڈی او بلڈنگ کی ‘آشیرباد’ شامل رہی ھے یہ انکشافات ایک اعلیٰ سطح کے سرکاری منصوبے میں بدعنوانی اور غفلت کی نشاندہی کرتے ہیں۔علاقے کے شہریوں اور ذمہ دار حلقوں نے اس بات پر شدید تشویش کا اظہار کیا ہے کہ ایک اہم سرکاری عمارت کی تعمیر میں اس قدر لاپرواہی برتی گئی ہے۔ انہوں نے مطالبہ کیا ہے کہ ان دونوں افسران، سابق سب انجینئر اور موجودہ ایس ڈی او بلڈنگ، کے کردار کی مکمل تحقیقات کی جائے اور ناقص میٹریل استعمال کرنے والے ٹھیکیدار کے خلاف بھی سخت قانونی کارروائی عمل میں لائی جائے*۔
*شہریوں نے وزیر اعلیٰ پنجاب اور متعلقہ محکموں کے اعلیٰ حکام سے اپیل کی ہے کہ وہ اس معاملے کا نوٹس لیں اور عمارت کے معیار کو یقینی بنانے کے لیے فوری اقدامات کریں، تاکہ قومی خزانے کو نقصان پہنچانے والوں کا احتساب ہو سکے۔ جب موقف کے لیے ایس ڈی او بلڈنگ کے نمبر پر رابطہ کیا گیا تو انکا نمبر بند تھا پھر ھمارا شمارہ انکے موقف کے لیے ہر وقت حاضر ھے جب چاہیں رابطہ کر کے اپنا موقف دے سکتے ہیں*
99
