*جھنگ(جاوید اعوان سے)جھنگ کے علاقے منڈی شاہ جیونہ میں ایک اور ‘اتائی’ کی سفاکیت، ننھا پھول مسلا گیا!*

*جھنگ(جاوید اعوان سے)جھنگ کے علاقے منڈی شاہ جیونہ میں ایک اور ‘اتائی’ کی سفاکیت، ننھا پھول مسلا گیا!*
*منڈی شاہ جیونہ کے نوید ٹاؤن میں ایک دلخراش واقعہ پیش آیا جہاں ایک اتائی کے کلینک میں مبینہ طور پر غلط انجیکشن لگنے سے ایک معصوم بچہ موت کے منہ میں چلا گیا۔ اس واقعے نے علاقے میں سوگ کی لہر دوڑا دی ہے اور اتائیوں کے خلاف سخت کارروائی کا مطالبہ زور پکڑ گیا ہے*۔
*تفصیلات کے مطابق، نوید ٹاؤن میں واقع “ڈاکٹر ظفر کلینک” کے نام سے ایک رہائشی مکان میں مبینہ طور پر غیر قانونی کلینک چلایا جا رہا تھا، جسے اتائی ظفر نامی شخص چلا رہا تھا۔ متاثرہ خاندان کے مطابق، اتائی ظفر نے اپنے انڈر میٹرک بھائی اصغر کو بطور کمپاؤنڈر تعینات کر رکھا تھا*
*آج جب بچے کو علاج کے لیے کلینک لایا گیا تو کمپاؤنڈر اصغر نے بچے کو مبینہ طور پر غلط انجیکشن لگا دیا۔ انجیکشن لگتے ہی بچے کی حالت تشویشناک ہو گئی اور وہ تیزی سے بگڑنا شروع ہو گئی*۔
*بچے کو فوری طور پر سول ہسپتال جھنگ منتقل کیا گیا، مگر قسمت کو کچھ اور ہی منظور تھا۔ ہسپتال کے ڈاکٹرز نے بچے کا معائنہ کرنے کے بعد دل دہلا دینے والی تصدیق کی کہ بچے کی موت غلط انجیکشن کے ری ایکشن کے سبب ہوئی ہے۔ ہسپتال نے اس کی مکمل رپورٹس بھی جاری کر دی ہیں*۔
*یہ حادثہ نہیں، بلکہ سیدھا ‘قتل’ ہے!*
*عوام اور متاثرہ خاندان نے اس واقعے کو محض ایک حادثہ قرار دینے سے انکار کر دیا ہے، بلکہ اسے ایک ننھی جان کا قتل قرار دیا ہے۔ ان کا کہنا ہے کہ ہیلتھ انتظامیہ نے اتائیوں اور ان کے غیر تربیت یافتہ عملے کو انسانی جانوں سے کھیلنے کی کھلی چھوٹ کیوں دی گئی ہے؟*
*حکومت اور اداروں سے فوری ایکشن کا مطالبہ*
*علاقے کی سول سوسائٹی اور شہریوں نے وزیرِ اعلیٰ پنجاب، محکمہ صحت اور قانون نافذ کرنے والے اداروں سے پُرزور اپیل کی ہے کہ:*
*اتائی ظفر کلینک کو فوری طور پر سیل کیا جائے اور کلینک چلانے والے اتائی ظفر اور مبینہ قاتل کمپاؤنڈر اصغر کو گرفتار کر کے قتل کے الزام میں مقدمہ درج کیا جائے*۔
*علاقے میں موجود تمام اتائیوں اور جعلی کلینکس کے خلاف ایک بڑے پیمانے پر آپریشن شروع کیا جائے تاکہ مستقبل میں کسی اور خاندان کو اس طرح کے سفاکانہ نقصان کا سامنا نہ کرنا پڑے۔سخت کارروائی ہی اس بے رحمانہ عمل کا واحد کیفر کردار ہے!*