ملتان(نمائندہ سٹی ون نیوز)یو م شہدائے پولیس کے موقع پر موٹر وے پولیس لائنز ہیڈ کواٹر میں خصوصی تقریب کا انعقاد۔ مزید تفصیلات کے لیے لنک پر کلک کریں تقریب میں موٹروے پولیس اور دیگر قانون نافذ کرنیوالے اداروں کے شہداء کو خراج تحسین پیش کیا گیا۔تقریب کے مہمان خصوصی پارلیمانی سیکرٹری برائے وزارت مواصلات شاہد ہ اختر تھیں۔ تقریب میں آئی جی خالد محمود، سینئر افسران و ملازمان اور شہداء کے ورثاء،پولیس افسران، سول سوسائٹی اور میڈیا کے نمائندوں نے شرکت کی۔ پارلیمانی سیکرٹری وزارت مواصلات شاہد ہ اختر اور آئی جی خالد محمود نے یاد گار شہداء پرپھول چڑھائے۔ اس موقع پر شہداء کی درجات کے بلندی کیلئے خصوصی دعا کی گئی۔
یو م شہدائے پولیس کے حوالے سے منعقد تقریب میں شرکت میرے لئے اعزاز کی بات ھے۔ھم شہداء کو سلام اور خراج تحسین پیش کرنے کے لئے اکٹھے ہیں۔مسلح افواج اور قانون نافذ کرنیوالے اداروں کے شہداء ہمارے ہیرو ہیں۔
موٹر وے پولیس کے شہداء کے خاندانوں کی دیکھ بھال ہم سب کی اوّلین ترجیح ھے۔آئی جی خالد محمود نے (No More)مہم کا آغاز کیا ھے جس کے خوش آئند نتائج برآمد ہو رہے ہیں۔ وزارت مواصلات کی سرپرستی اور مدد ہمیشہ موٹروے پولیس کی بہتری اور افسران کی ویلفیئر کیلئے میسر رھے گی۔ شہداء پیکج اور تنخواہوں میں اضافے کیلئے کوشش کروں گی کہ جلد منظور ہو جائیں۔پا رلیمانی سیکرٹری برائے وزارت مواصلات
تقریب موٹر وے پولیس اور دیگر قانون نافذ کرنے والے اداروں کے شہداء کے اعزاز میں منعقد کی گئی ھے۔موٹروے پولیس کی خاتون آفیسر سمیت 45افسران نے دورن ڈیوٹی جام شہادت نوش کیا ھے۔شہداء کے خاندانوں کی دیکھ بھال ہم سب کی مشترکہ اور اوّلین ترجیح ھے شہداء کی قربانیوں کو کبھی فراموش نہیں کیا جا سکتا۔ موٹروے پولیس کا یہ مقام ایمانداری، خوش اخلاقی، لگن اور شہداء کی عظیم قربانیوں کی وجہ سے ھے۔ کم وسائل کے باوجود عوام کی خدمت اور قانون کے بلاامیتاز نفاذ کو بہتر بنانے کیلئے نئے اقدامات کئے جا رہے ہیں۔ آئی جی خالد محمود
31
