30

جھنگ(محمد جاوید اعوان) ۔ بارش کے پانی سے گلیاں بازار ندی نالوں کا منظر پیش کرنے لگے

جھنگ(محمد جاوید اعوان) ۔ بارش کے پانی سے گلیاں بازار ندی نالوں کا منظر پیش کرنے لگے ۔ ضلع کچہری ۔ احاطہ تحصیل میں پانی ہی پانی ۔ ڈپٹی کمشنر ہاؤس ۔ سرکٹ ہاؤس کے سامنے کئی فٹ پانی جمع ۔ اسسٹنٹ کمشنر کادفتر ۔ ڈسٹرکٹ انفارمیشن دفتر پانی میں ڈوب گیا۔ چیف آفیسر میونسپل کمیٹی کی سرکاری رہائش گاہ میں پانی کا کھڑا ہونا چیف آفیسر میونسپل کمیٹی کی ناکامی کا واضح نشان ھے۔ بارش کا پانی گھروں میں داخل ہونے سے کئی عمارتیں ویران ۔ شہری پریشان ۔ میونسپل کارپوریشن کے سکون پرست گھوسٹ ملازمین عیاشیاں کرنے لگے ۔ کروڑوں روپے مالیت کی سرکاری مشینری بھی شہریوں کے کام نہ آ سکی ۔ نام نہاد کام چور چیف آفیسر میونسپل کمیٹی ڈپٹی کمشنر جھنگ کے لیے وبال جان حکومت وقت کے لیے لمحہ فکریہ بن گیا ۔
نہ چوکے نہ چھکے بارش کے ٹیسٹ میچ نے ضلعی انتظامیہ کی نااہلی کے تمام پول کھول دیے ۔ ورک چارج ملازمین اور ہائی کوالٹی کی مشینری کی مد میں خزانہ سرکارکوکروڑوں کے ٹیکے لگانے والے افسران اعلیٰ حکام کی توجہ کا مرکز بن گئے ۔ تفصیلات کے مطابق جھنگ شہر کئی سالوں سے بارش نہ ہونے کے باوجود سارا سارا سال سیوریج کے گندے پانی کے رحم و کرم پر چھوڑ دیا جاتا رہا باقی رہی سہی کسر کئی سالوں کے بعد بارش کے دو جھٹکوں نے نکال دی ۔ گلیاں بازاروں میں ندی نالوں کے مناظر چیف آفیسر میونسپل کمیٹی کی نااہلی کرپشن بدعنوانیوں چوربازاری بےضابطگیوں کی تصاویر بن چکے ہیں ۔ تمام اہم ضلعی دفاتر ۔ اہم پکی سڑکیں بے یارو مددگار بن چکی ہیں ۔ میڈیا سروےکےدوران مختلف شہریوں عوامی سماجی حلقوں کے مطابق نازیبا الفاظ سننے میں آئے ہیں مقام افسوس یہ ہے کہ چیف آفیسر میونسپل کمیٹی کی سرکاری رہائش گاہ واقع کلمہ چوک سیٹلائٹ ٹاؤن بھی پانی میں ڈوب جانا C.O میونسپل کمیٹی کے لیے باعث شرم ھے ۔ اس بارش کے پانی کے باعث متعدد شہری بے گھر ھو چکے ہیں کئی قیمتی مکانات زمین بوس ھو گئے ہیں تو کئی بیچارے لاکھوں روپے مالیت کے قیمتی سامان سے ہاتھ دھو بیٹھے ہیں ۔ متاثرین کے علاؤہ عوامی سماجی کاروباری حلقوں نے وزیر اعلیٰ پنجاب ۔ چیف سیکرٹری پنجاب سمیت دیگر اعلیٰ حکام سے فوری نوٹس لینے کا مطالبہ کیا ھے

اس خبر پر اپنی رائے کا اظہار کریں

اپنا تبصرہ بھیجیں