جھنگ(محمد جاوید اعوان)مسئلہ جوناگڑھ اور مسئلہ کشمیر بھارت کی دوغلی پالیسی کا منہ بولتا ثبوت ہیں۔ یہ دونوں تنازعات بھارتی توسیع پسندانہ عزائم کو ظاہر کرتے ہیں۔ ان خیالات کا اظہار مقررین نے مسلم انسٹیٹیوٹ اور یونیورسٹی آف جھنگ کے زیر اہتمام “مسئلہ جوناگڑھ اور خطے میں امن کے لیے اس کی اہمیت” کے عنوان سے منعقدہ سیمینار میں کیا۔ سیمینار سے دیوان آف جوناگڑھ و چئیرمین مسلم انسٹیٹیوٹ صاحبزادہ سلطان احمد علی، وائس چانسلر جھنگ یونیورسٹی پروفیسر ڈاکٹر شاہد منیر، ڈاکٹر محمد نواز بھٹی، ڈاکٹر مجیب احمد اور ڈاکٹر فخر بلال نے خطاب کیا۔ مقررین نے جوناگڑھ پر پاکستان کے قانونی مؤقف پر روشنی ڈالی اور کہا کہ جوناگڑھ تقسیمِ برصغیر کا ایک اور نامکمل ایجنڈا ہے۔ تقسیمِ ہند کے دوران بھارت کی جانب سے پاکستان کے ساتھ ناانصافی کی گئی۔ کسی علاقے پر زبردستی قبضے کی پالیسی کبھی بھی مستقل نہیں رہتی۔ مسئلہ جوناگڑھ کے کئی سیاسی، سفارتی اور قانونی پہلو ہیں۔ اس کا حل خطے کے دیر پا امن کیلئے ناگزیر ہے چنانچہ سفارتی سطح پر ہمیں جوناگڑھ کے لیے مزید فیصلے کرنے ہوں۔ لوگوں کی آگاہی کے لیے اس طرح کے پروگرام ہونے چاہئیں۔ ہمیں جوناگڑھ کے لیے ہر فورم پر آواز اٹھانی چاہیے۔ ہر پاکستانی کا قومی فرض ہے کہ وہ مسئلہ جوناگڑھ کے پر امن حل کے لیے اپنا کردار ادا کرے۔ مقررین نے مزید کہا کہ وزیراعظم پاکستان نے جس طرح کشمیر کا مسئلہ عالمی سطح پہ اجاگر کیا ہے اسی طرح جوناگڑھ کے مسئلہ کو بھی ہر عالمی فورم پر اٹھانا چاہیئے۔ مقررین نے اس امر کا بھی اظہار کیا کہ مسئلہ جوناگڑھ پر مختلف یونیورسٹیز میں تحقیق سرگرمیوں کو فروغ دیا جانا چاہئے تاکہ نئے ابھرتے عالمی تناظر کے مطابق پاکستان کے مؤقف کو بہتر انداز میں دنیا کے سامنے پیش کیا جا سکے۔ مقررین نے زور دیا کہ جوناگڑھ سے بھارتی قبضہ ختم کروانا اور عملی طور پر پاکستان کا حصہ بنانا ہمارے اولین قومی فرائض میں سے ہے۔ نواب آف جوناگڑھ نواب محمد مہابت خانجی نے نظریہ پاکستان کے تحت پاکستان سے الحاق کیا تھا۔ جوناگڑھ ہمارا تاریخی اور قانونی حق ہے اور زندہ قومیں اپنے حق سے دستبردار نہیں ہوتیں چنانچہ ہم بھی اپنے حق کیلئے لڑتے رہیں گے۔ سیمینار میں طلباء، پروفیسرز اور دیگر افراد کی بڑی تعداد نے شرکت کی۔
*جھنگ(جاوید اعوان سے)اٹھارہ ہزاری میں عطائی حنیف اور DDHO کا گٹھ جوڑ۔ مل کر لوگوں کو لوٹتے ہیں ۔ ڈپٹی کمشنر نوٹس لیں۔ عوامی مطالبہ*
*جھنگ(جاوید اعوان سے) شہری نے چیف آفیسر میونسپل کمیٹی کے کار خاص ارشد الہی ھیڈ کلرک شعبہ آئی اینڈ ایس کی بھرتی اور پرموشن کا ریکارڈ رائٹ ٹو انفارمیشن قانون کے تحت مانگ لیا۔ ذرائع*
*جھنگ(جاوید اعوان سے )ڈپٹی کمشنر علی اکبر بھنڈر کی ہدایت پر محکمہ زراعت پیسٹ وارننگ کا غیر قانونی زرعی ادویات فروخت کرنے والوں کے خلاف کریک ڈاون کا سلسلہ جاری ھے*۔
*جھنگ(جاوید اعوان سے )ڈپٹی کمشنر علی اکبر بھنڈر نے ڈسٹرکٹ ہیڈ کوارٹر ہسپتال کا دورہ کیا اور مریضوں کو دی جانے والی طبی سہولیات کا جائزہ لیا*
*جھنگ(جاوید اعوان سے)تحصیل اٹھارہ ہزاری میں مظہر نامی عطائی جو اپنے آپ کو ہومیو پیتھک کہتا ھے لیکن حقیقت اس کے برعکس ھے انجکشن ڈرپس لگا کر موت بانٹنے لگا*
*جھنگ(جاوید اعوان سے)عنصر عباس سپرا ایس ایچ او تھانہ موچیوالا کی اپنی ٹیم کے ھمراہ کارروائی. رابری میں ملوث گینگ کے دو ملزمان گرفتار ، 13 موٹر سائیکل اور 15 لاکھ نقدی برآمد ڈی پی او کی طرف سے عنصر عباس کو شاباش اور سرٹیفکیٹ کے ساتھ نقد انعام*
*جھنگ(جاوید اعوان سے)ڈپٹی کمشنر علی اکبر بھنڈر کی زیر صدارت پرائس کنٹرول مجسٹریٹس کی کارکردگی کے حوالہ سے جائزہ اجلاس منعقد ھوا*
*جھنگ(جاوید اعوان سے ) ڈسٹرکٹ ہیلتھ اتھارٹی کے سرکاری ریکارڈ میں ٹمپرنگ،عمر میں تضاد اور مہیا کئے گئے ریکارڈ میں ردوبدل سکینڈل محکمہ صحت کے اہلکاران بے نقاب. ذرائع*
*اٹھارہ ہزاری(جاوید اعوان سے)عطائی حنیف چلڈرن سپیشلسٹ بن کر لوگوں کو لوٹنے لگا نہ کوئی ڈگری نہ تعلیم بس تجربہ ھی تجربہ۔ ڈپٹی ڈسٹرکٹ ہیلتھ آفیسر خاموش تماشائی۔ ڈپٹی کمشنر نوٹس لیں عوامی مطالبہ*
*جھنگ(جاوید اعوان سے) ڈکیتی کیس میں بڑی پیش رفت ، پولیس تھانہ اٹھارہ ہزاری نے بلوچستان میں چھپے ملزم کو گرفتار کرکے چھینی گئی گاڑی برآمد کرلی* ۔