28

جھنگ(محمد جاوید اعوان)محرم الحرام کے مقدس ایام میں حکومت کی جانب سے امن و امان کے لیے اقدامات کیے جا رھے ہیں ، مزید تفصیلات کے لیے لنک پر کلک کریں

جھنگ(محمد جاوید اعوان)محرم الحرام کے مقدس ایام میں حکومت کی جانب سے امن و امان کے لیے اقدامات کیے جا رھے ہیں ، مزید تفصیلات کے لیے لنک پر کلک کریں تمام داخلی اور خارجی راستوں پر ناکہ لگا کر تمام افراد اور گاڑیوں کو چیک کیا جائے گا ۔ ہوٹلوں اور مسافر خانوں کو روزانہ کی بنیاد پر چیک کیا جائے گا ۔ ذرائع کے مطابق محرم الحرام کے مقدس ایام کی آمد کے پیش نظر حکومت اور حساس ادارے اہم اقدامات کر رھے ہیں ۔ باخبر ذرائع نے اپنا نام ظاہر نہ کرنے کی شرط پر بتایا کہ وفاقی اور صوبائی حکومت کی طرف سے پولیس ، فوج اور دیگر قانون نافذ کرنے والے اداروں کو ہدایات جاری کی گئی ہیں کہ ان مقدس ایام میں امن و امان اور شہریوں کی حفاظت کیلئے کوئی کسر اٹھا نہ رکھی جائے ۔ضلع بھر میں ہر مشکوک گاڑی اور فرد پر نظر رکھنا ، گلی محلہ ، ہوٹل ، مسافر خانوں ، دکانوں اور رش والی جگہوں پر سادہ لباس میں سیکورٹی اہلکار موجود ہوں ۔ ہر ہوٹل کا ریکارڈ روزانہ کی بنیاد پر چیک کیا جائے ، کالعدم مذہبی تنظیموں اور افغان شہریوں پر کڑی نظر رکھی جائے ۔فورتھ شیڈول والے متعلقہ تھانوں میں حاضری لگائیں ، مجالس اور جلوس کے روٹس کو سرچ کر کے کلیئر کیا جائے گا۔ مذہبی رہنماؤں کو ہدایات کی گئی ہیں کہ وہ ان ایام میں اپنی سرگرمیوں کو محدود کر لیں تا کہ انکی حفاظت میں کوئی کسر اٹھا نہ رکھی جائے ، مسجدوں اور امام بارگاہوں کی سیکورٹی بھی مزید سخت کر دی گئی ہے ۔

اس خبر پر اپنی رائے کا اظہار کریں

اپنا تبصرہ بھیجیں