*جھنگ(جاوید اعوان سے)۔ سٹلائیٹ ٹاؤن ریاض چوک: گراں فروشی کا راج، پرائس کنٹرول مجسٹریٹس غائب*
*جھنگ شہر کے مصروف ترین علاقہ سٹلائیٹ ٹاؤن ریاض چوک اور اس کے گردونواح میں گراں فروشی نے عوام کی کمر توڑ دی ھے*۔ *شہریوں کا کہنا ھے کہ اشیائے خوردونوش، سبزیوں، فروٹ، گوشت اور کریانہ کی دکانوں پر سرکاری نرخ نامے کی کھلے عام خلاف ورزی کی جا رھی ھے اور اشیاء خوردونوش کو دوگنی قیمتوں پر فروخت کیا جا رہا ھے۔ اس صورتحال میں، ضلعی انتظامیہ کی جانب سے گراں فروشی کو روکنے کے لیے تشکیل دی گئی پرائس کنٹرول مجسٹریٹس کی فورس اور پیرا فورس کا کہیں بھی نام و نشان نہیں ھے*۔
*عوام پریشان، کوئی پوچھنے والا نہیں*
*تفصیلات کے مطابق، ریاض چوک کے آس پاس کی مارکیٹوں میں ضروری اشیاء کو من مانے ریٹ پر بیچا جا رہا ھے، جس کی وجہ سے غریب اور متوسط طبقے کے لیے دو وقت کی روٹی مشکل ھو گئی ھے. عوام کی جانب سے مسلسل شکایات کے باوجود انتظامیہ کی خاموشی پر سوالیہ نشان لگ گیا ھے*۔
*ایک شہری نے اپنا درد بیان کرتے ھوئے کہا کہ “ہماری آسمان تک چیخیں پہنچ رھی ہیں، مگر کوئی سننے والا نہیں ھے۔ دکانداروں نے لوٹ مار مچا رکھی ھے اور پرائس کنٹرول ٹیمیں نہ جانے کہاں غائب ہیں؟”*
*شہریوں نے ڈپٹی کمشنر اور دیگر اعلیٰ احکام سے پرزور اپیل کی ھے کہ وہ اس سنگین صورتحال کا فوری نوٹس لیں، پرائس کنٹرول مجسٹریٹس کو فعال کریں، اور ریاض چوک کے علاقہ میں سرکاری ریٹس پر اشیاء کی فروخت کو یقینی بنا کر گراں فروشوں کے خلاف سخت کارروائی عمل میں لائیں*۔
105
