*جھنگ(جاوید اعوان سے)غلام نبی بلاک ڈی ایچ کیو ہسپتال میں تعمیراتی لاگت پر سوالات، ریکارڈ طلب.غلام نبی بلاک کی لاگت میں 21 کروڑ کا غیر معمولی اضافہ، شہری نے رائٹ ٹو انفارمیشن کے تحت کارروائی شروع کردی*
*ڈسٹرکٹ ہیڈ کوارٹر ہسپتال (DHQ) جھنگ میں ابھی ابھی مکمل ھونے والے ‘غلام نبی بلاک’ کی لاگت میں غیر معمولی اور اچانک اضافے پر شہر کے ایک بیدار شہری نے سوال اٹھا دیے ہیں۔ شہری نے رائٹ ٹو انفارمیشن (Right to Information – RTI) قانون کے تحت ایکس ای این بلڈنگ (XEN Building) سے تعمیراتی منصوبے کا مکمل ریکارڈ طلب کر لیا ھے*۔
*ابتدائی معلومات کے مطابق، غلام نبی بلاک کی تعمیر کی منظور شدہ لاگت 26 کروڑ روپے تھی، جو اب بڑھ کر 47 کروڑ روپے تک پہنچ چکی ھے۔ لاگت میں یہ حیران کن اضافہ تقریباً 21 کروڑ روپے کا فرق ظاہر کرتا ھے، جس نے تعمیراتی عمل میں ممکنہ بے ضابطگیوں کے خدشات کو جنم دیا ھے*۔
*شہری نے ایکس ای این بلڈنگ سے پراجیکٹ کی منظوری، تخمینہ (Estimates)، ورک آرڈرز، اور اضافی فنڈز کے جواز سے متعلق تمام دستاویزات کا ریکارڈ مانگا ھے*۔
*ذرائع کا کہنا ھے کہ تعمیراتی لاگت میں اس بڑے اضافے کے پیچھے چھپے حقائق ریکارڈ منظر عام پر آنے کے بعد سامنے آسکتے ہیں۔ عوامی اور حکومتی حلقوں کو توقع ہے کہ ریکارڈ کی جانچ پڑتال کے بعد بہت سے اہم انکشافات متوقع ہیں، جو پراجیکٹ میں شفافیت کی کمی اور فنڈز کے غیر ضروری استعمال کو بے نقاب کر سکتے ہیں*۔
*شہری کی یہ کارروائی حکومت کے منظور شدہ تعمیراتی منصوبوں میں مالیاتی شفافیت کو یقینی بنانے کی جانب ایک اہم قدم سمجھا جا رہا ہے۔ ایکس ای این بلڈنگ پر جلد از جلد مطلوبہ ریکارڈ فراہم کرنے کا دباؤ بڑھ گیا ہے*۔
68
