*جھنگ(جاوید اعوان سے)موٹر سائیکلوں اور کاروں پر تیز رنگین فلش لائٹس کے خلاف عوامی مطالبہ.حادثات میں اضافے پر تشویش؛ ڈی پی او اور ڈی ایس پی ٹریفک سے سخت کارروائی کی اپیل*
*جھنگ شہر میں موٹر سائیکلوں اور کاروں پر غیر معیاری اور تیز رنگین فلش لائٹس (Flash Lights) لگانے کا بڑھتا ھوا رحجان سڑکوں پر حادثات میں نمایاں اضافے کا سبب بن رہا ھے۔ عوامی اور سماجی حلقوں نے اس خطرناک رجحان پر گہری تشویش کا اظہار کرتے ہوئے ڈی پی او اور ڈی ایس پی ٹریفک، اور ڈی ایس پی پیٹرولنگ سے فوری توجہ اور سخت کارروائی کا مطالبہ کیا ہے*۔
*تفصیلات کے مطابق، رات کے وقت سڑکوں پر ان تیز اور مختلف رنگوں کی لائٹس کی وجہ سے مخالف سمت سے آنے والے ڈرائیورز کی آنکھیں چندھیا جاتی ہیں اور انہیں سڑک پر کچھ نظر نہیں آتا۔ ذرائع کا کہنا ہے کہ یہ تیز فلش لائٹس ڈرائیورز کی بصارت کو عارضی طور پر متاثر کرتی ہیں، جو اکثر اوقات خوفناک ٹریفک حادثات کی وجہ بنتی ہیں۔اس کے علاوہ، یہ بھی دیکھنے میں آیا ہے کہ بہت سی موٹر سائیکلوں کی پچھلی (Back Lights) لائٹس بھی خراب یا غائب ہوتی ہیں، جس کی وجہ سے پیچھے سے آنے والی گاڑیاں موٹر سائیکل سواروں سے ٹکرا جاتی ہیں*۔
*شہریوں نے مطالبہ کیا ھے کہ ٹریفک پولیس، پیٹرولنگ پولیس کے ساتھ مل کر شہر کے اہم چوکوں اور سڑکوں پر خصوصی مہم چلائے اور ایسی غیر قانونی اور خطرناک لائٹس استعمال کرنے والے موٹر سائیکل سواروں اور گاڑی مالکان کے خلاف سخت قانونی کارروائی کرے تاکہ قیمتی جانوں کو ضائع ھونے سے بچایا جا سکے*۔
92
