”*جھنگ(جاوید اعوان سے)۔نگہبان دسترخوان، مریم کے مہمان”: جھنگ میں خدمتِ انسانیت کا سمندر امنڈ آیا*
*خادمِ جھنگ شیخ محمد یعقوب اور راشدہ یعقوب کا ڈی ایچ کیو ہسپتال اور جی ٹی ایس چوک میں افطار دسترخوان کا تاریخی اہتمام*
*رمضان المبارک کی برکتیں سمیٹنے اور انسانیت کی خدمت کے جذبے سے سرشار، مسلم لیگ (ن) کے مخلص رہنماؤں نے جھنگ کی دھرتی پر محبت اور سخاوت کی نئی مثال قائم کر دی۔ وزیراعلیٰ پنجاب مریم نواز شریف کے “خدمتِ خلق” وژن کو عملی جامہ پہناتے ہوئے الحاج محمد یعقوب شیخ (ٹکٹ ہولڈر مسلم لیگ ن) اور سابق ایم پی اے محترمہ راشدہ یعقوب شیخ نے شہر کے اہم مقامات پر “نگہبان دسترخوان” سجا دیے*
*ہسپتال کے مریضوں اور مسافروں کے لیے عید کا سماں۔تفصیلات کے مطابق، ڈی ایچ کیو ہسپتال جھنگ اور جی ٹی ایس ہیڈ آفس (سرگودھا روڈ) پر روزانہ کی بنیاد پر سینکڑوں مستحقین، مسافروں اور ہسپتال میں موجود* *تیمارداروں کے لیے پروقار افطار دسترخوان کا اہتمام کیا جا رہا ہے۔ یکم رمضان المبارک سے جاری اس سلسلے نے جھنگ کے غریب طبقے اور مسافروں کے دل جیت لیے ہیں*۔
*شیخ محمد یعقوب کی خود نگرانی: “سیاست نہیں، عبادت ہے*”
*ذرائع کے مطابق، الحاج محمد یعقوب شیخ صرف آرڈر دے کر گھر نہیں بیٹھ گئے، بلکہ وہ خود ان دسترخوانوں کی نگرانی کر رہے ہیں۔ ان کا کہنا ہے کہ “مریم نواز شریف کے وژن کے مطابق، عوام کی خدمت ہی ہمارا اصل اثاثہ ہے۔” افطاری کے معیار اور صفائی ستھرائی کے انتظامات دیکھ کر شہری دنگ رہ گئے ہیں، جہاں عام آدمی کو بھی وہی عزت دی جا رہی ہے جو کسی وی آئی پی مہمان کو ملتی ہے*۔
*عوامی حلقوں کا زبردست خراجِ تحسین*
*جھنگ کے عوامی اور سماجی حلقوں نے شیخ خاندان کی اس کاوش کو سراہتے ہوئے کہا ہے کہ مہنگائی کے اس دور میں جہاں عام آدمی کے لیے دو وقت کی روٹی مشکل ہے* *وہاں ڈی ایچ کیو ہسپتال جیسے مقامات پر افطار کا بندوبست کسی نعمت سے کم نہیں ہے۔ شہریوں کا کہنا ہے کہ راشدہ یعقوب شیخ اور محمد یعقوب شیخ نے ثابت کر دیا ہے کہ وہ اقتدار میں ہوں یا نہ ہوں، ان کا جینا مرنا جھنگ کی عوام کے ساتھ ہے*۔
*خدمت کا سفر جاری رہے گا*
واضح رہے کہ یہ* *دسترخوان پورے ماہِ صیام میں جاری رہے گا، جہاں روزانہ سینکڑوں لوگ پیٹ بھر کر باعزت طریقے سے افطار کر رہے ہیں۔ سیاسی پنڈتوں کا کہنا ہے کہ اس اقدام سے مسلم لیگ (ن) کی جڑیں جھنگ میں مزید مضبوط ہوئی ہیں اور عوام کا “شیر” پر اعتماد دوچند ہو گیا ہے*۔
277
