*جھنگ(جاوید اعوان سے)۔احترامِ رمضان کی دھجیاں اڑانے والوں کے گرد گھیرا تنگ: ڈپٹی کمشنر جھنگ کا بڑا ایکشن، ‘چناب ہوٹل’ سیل*
*رمضان المبارک کے مقدس مہینے میں سرِعام بے حرمتی کرنے والوں کے خلاف ضلعی انتظامیہ حرکت میں آ گئی۔ جھنگ میڈیا کی بروقت نشاندہی پر ڈپٹی کمشنر جھنگ علی اکبر بھنڈر نے فوری ایکشن لیتے ہوئے جھنگ چنیوٹ روڈ پر واقع ‘چناب ہوٹل’ کو سیل کر دیا*۔
*تفصیلات کے مطابق*، *جھنگ چنیوٹ روڈ پر اڈہ کھیوہ کے مقام پر ‘چناب ہوٹل’ انتظامیہ کی جانب سے رمضان المبارک کے تقدس کو پسِ پشت ڈالتے ہوئے، بغیر کسی قانونی اجازت نامے کے ہوٹل کھلا رکھا گیا تھا۔ ہوٹل میں سرِعام کھانے پینے کا سلسلہ جاری تھا، جو نہ صرف قانون کی خلاف ورزی تھی بلکہ عوامی جذبات کو مجروح کرنے کے مترادف تھا۔ڈپٹی کمشنر کا فوری کریک ڈاؤن*
*جھنگ میڈیا نے جب اس سنگین صورتحال کی نشاندہی کی، تو ڈپٹی کمشنر جھنگ علی اکبر بھنڈر نے معاملے کی نزاکت کو بھانپتے ہوئے فوری طور پر اپنی خصوصی ٹیم کو جائے وقوعہ پر روانہ کیا۔ ٹیم نے چھاپہ مار کر میڈیا رپورٹ کی تصدیق کی، جس کے بعد ہوٹل کو فوری طور پر سیل کر دیا گیا*
”*رمضان المبارک کے احترام پر کوئی سمجھوتہ نہیں کیا جائے گا، قانون توڑنے والے کسی رعایت کے مستحق نہیں۔” — انتظامیہ کا موقف*
*اس بڑی کارروائی پر جھنگ کے عوامی اور سماجی حلقوں میں خوشی کی لہر دوڑ گئی۔ شہریوں نے جھنگ میڈیا کی جرات مندانہ رپورٹنگ اور ڈپٹی کمشنر علی اکبر بھنڈر کی فوری کارروائی کو بھرپور سراہتے ہوئے اسے ضلع میں قانون کی بالادستی کی مثال قرار دیا ہے*۔
137
