*شورکوٹ(جاوید اعوان سے) ڈی پی او ساجد حسین کی ھدایت پر پولیس کی بڑی کارروائیاں، منشیات فروش اور ناجائز اسلحہ رکھنے والے 5 ملزمان گرفتار*
*ساجد حسین ڈسٹرکٹ پولیس آفیسر کی ہدایت پر جرائم پیشہ عناصر کے خلاف جاری حالیہ مہم میں تھانہ سٹی شورکوٹ نے بڑی کامیابی حاصل کی ہے۔ انسپکٹر حافظ عبداللہ جپہ (ایس ایچ او تھانہ سٹی) نے اپنی ٹیم کے ہمراہ مختلف مقامات پر کارروائیاں کرتے ہوئے منشیات فروشوں اور ناجائز اسلحہ رکھنے والے 5 ملزمان کو رنگے ہاتھوں گرفتار کر کے بھاری مقدار میں شراب، چرس اور اسلحہ برآمد کر لیا*۔
*کارروائیوں کی تفصیلات*:
*پولیس ترجمان کے مطابق ایس ایچ او حافظ عبداللہ جپہ نے جرائم پیشہ افراد کے گرد گھیرا تنگ کرتے ہوئے درج ذیل کامیابیاں حاصل کیں*:
*منشیات (چرس) کی برآمدگی: نواں شہر کے رہائشی شاہد ولد نواز (قوم بھٹی) سے 1400 گرام چرس برآمد کی گئی، جبکہ ایک اور کارروائی میں ککی نو سوئم کے رہائشی شاہد ولد محمد صدیق (قوم جٹ) کے قبضے سے 530 گرام چرس برآمد ہوئی*۔
*شراب کی برآمدگی*: *کوٹھی اڈہ کے رہائشی محمد طارق ولد عارف سے 20 لیٹر شراب اور بستی حیدر آباد کے رہائشی محمد آصف ولد محمد بشیر سے 18 لیٹر شراب برآمد کر کے ملزمان کو حراست میں لے لیا گیا*
*ناجائز اسلحہ: پولیس ٹیم نے دوران چیکنگ علی حسین ولد محمد اکرم (قوم سربانہ سیال) سے 12 بور بندوق برآمد کی، جس کا لائسنس ملزم فراہم نہ کر سکا*۔
*پولیس کا موقف*:
*ایس ایچ او تھانہ سٹی حافظ عبداللہ جپہ کا کہنا ہے کہ شہر کو منشیات اور ناجائز اسلحہ سے پاک کرنا ہماری اولین ترجیح ہے۔ تمام ملزمان کے خلاف الگ الگ مقدمات درج کر لیے گئے ہیں اور مزید تفتیش جاری ہے۔ انہوں نے عزم دہرایا کہ سماج دشمن عناصر کے خلاف بلا امتیاز کارروائیاں جاری رہیں گی.عوامی حلقوں نے پولیس کی ان بروقت کارروائیوں پر اطمینان کا اظہار کرتے ہوئے ایس ایچ او اور ان کی ٹیم کو خراج تحسین پیش کیا ہے*۔
305
